ORANJESTAD, Aruba – Februari 2019: Tur aña riba dia 4 di Februari ta observa “World Cancer Day” y pa mustra sosten na e dia, empleadonan di Riu Palace Antillas a bisti un corsage color biña cu e simbolo di sosten. A traha un corsage grandi y a pone esaki den lobby pa asina tur turista por mira con nan ta sostene tur esunnan cu ta batayando cu cancer of tin familiar of amigo cu tin cancer.

Mundialmente hendenan ta mustrando nan sosten y e tema di e aña aki ta “I am and I will”, unda cu tur hende por conta nan storia of duna un comentario. E tema aki ta un campaña di 3 aña di 2019-2021 pa inspira cambionan.

Empleadonan tabata contento cu un biaha mas nan por duna nan sosten na algo importante y cu ta afecta tur nacion. Huespednan tabata puntra kico nan kier a logra cu e campaña aki y empleadonan tabata tuma nan tempo pa splica nan riba e importancia pa recorda, conscientisa y sostene esunnan cu ta of a pasa den cancer.