Na e momentunan aki nos ta grabando e pelikula “Double Play”, basá riba e buki “Dubbelspel” di Sr. Frank Martinus Arion. Pa medio di esaki nos ke gradisi komunidat di Kòrsou kompletu pa e sosten durante e grabashon nan aki. Alabes nos ta pidi nos diskulpa pa kualke inkombemensha ku seramentu di brug Juliana por a trese kune. Ku e koperashon ku boso a duna riba e dia ei, nos a logra graba un esena importante di e pelikula aki i kaptura imagennan sumamente bunita di Korsou ku henter mundu lo mira na momentu ku e pelikula ta kla. Riba djaluna, 16 di November nos lo filma diferente esena riba Helmin Magno Wiels Boulevard i Weg naar Welgelegen. Pa siguridat di abo komo suidadano i di nos, nos lo sera pa partinan di e kaya nan aki for di 7:30 AM te ora solo baha. E kamindanan aki lo no ta sera henter dia, sino periodikamente na momentu ku nos ta grabando na e sitio konserni. Nos no ta spera di kousa ningun inkombenensha i ta spera di por konta ku boso koperashon. Pa realisa tur seramentu di e kaminda nan aki, nos ta trahando den estrecho koperashon ku kuerpo polisial di Korsou.

Atentamente, Tim di Double Play