Den e campaña di “Cambia & Spaar” di Nagico Insurances

ORANJESTAD, Aruba – 20 di januari 2017: Desde aña pasa, specialmente pa e temporada aki di pago di number di auto y cambio di seguro, Nagico Insurances a lansa su campaña di “Cambia y Spaar”. Rhomyko Winklaar y su señora ta cliente for di 5 aña pasa caba, tanto pa nan auto como pa nan cas y a participa dor di “Like & Share” e promocion riba red social. Y asina aki nan a gana gasolin gratis pa 12 luna largo percura pa Nagico Insurances!

E campaña di “Cambia & Spaar” di Nagico Insurances, ta encera cu clientenan por spaar 15% of mas, cu ta representa un averahe di 200 florin pa aña riba nan seguro. E proceso di cambio ta masha facil, mescos e formula 1, 2 y 3. Djis manda un copia di bo polisa existente hunto cu bo rijbewijs via email cambiayspaar@nagico.com, of via whatsapp 592-3378 of via inbox di nan pagina di Facebook. Dentro di 2 dia ta manda un oferta competitivo y si acepta, den 1 dia e polisa lo ta cla na oficina Nagico Insurances na Dakota.

Tur cu cambia nan seguro di un otro compania pa Nagico Insurances, lo probecha di un miho prijs, servicio 24 ora pa dia y 7 dia pa siman di Road Service den caso cu bo auto daña of den caso di accidente clientenan ta yama 191 y Nagico ta yega mesora pa yuda Bo y regla tur asunto na e sitio mes.

Rhomyko Winklaar a bisa di ta masha contento y hopi satisfecho cu e servicio y e productonan di Nagico Insurances. Ta cu placer el a participa y a gana e premio cu sigur e lo haci bon uzo di dje. El a bisa cu como cliente satisfecho, e ta orguyoso di recomenda tur hende pa cambia pa Nagico y probecha di bon servicio na un tarifa competitivo.

A funda Nagico Insurances na aña 1982 na Sint Maarten y a crece y penetra den mas cu 20 mercado. Nan ta un di e companianan di seguro mas grandi den Caribe Hulandes cu mas di US$ 150 miyon na prima y ta ofrece un di e miho seguro di catastrofe den region. Internacionalmente AM Best a “rate” Nagico como un compania solido. Nagico Insurances a sigui crece dor di adkiri British American Insurance Company y awor ta ofrece seguro di bida y medico via e compania Nagico Life.
Aki na Aruba e compania a cuminsa na 2004 y a crece rapidamente, specialmente despues cu na aña 2007 nan tabata e prome y unico compania di seguro cu nan mesun servicio di Road Service. Nagico Insurances tin dos oficina na Aruba, un na Savaneta otro den Caya Milio Croes na Dakota.