WILLEMSTAD, 10 di Febrüari – Dia 14 di febrüari awor, Ronald McDonald House Charities Curacao Foundation pa di dos biaha ta tene su Valentine’s Cupcake Drive. E Cupcake fundraiser lo tuma luga for di 9’or di meinta te 4’or di atardi riba e dia di San Valentino 14 di febrüari, na Mangusá Hypermarket na Cas Coraweg. Nos ta spera meskos ku aňa pasa un entusiasmo tremendo di públiko pa e cupcake y bolo nan ku ta wòrdu bendí, ku ta regalito ideal pa regalá un amigu, amiga òf un ser kerí riba e dia di San Valentino. E meta di e fundraiser ta pa hasi posibel pa RMHC kontinuá ku su meta na bienestar di nos muchanan ku ta interná na departamentu di mucha na hospital St. Elizabeth , dunando nan y nan mayornan un sosten balioso den momentonan difísil. Ronald McDonald House Charities Curacao Foundation (RMHC) a wòrdu lantá na 2010 y ta manehá for di aña 2012 un “Family Room” banda di departamentu di mucha di Hospital St Elizabeth  (Sehos). Aki RMHC ta ofresé banda di e sala familiar ku su kushina y komedor , tambe e posibilidat na mayornan di e mucha enfermo pa por keda drumi na un distansha di djis par di meter for di nan yu enfermo. Tambe RMHC tin un sala di wega pa e muchanan ku tur sorto di ko’i hunga. Tin weganan edukativo, un huki ku kòmpiuter, un área ku por hasi obra di man, tin un biblioteka pa mucha di tur edat y e weganan elektróniko tantu popular manera PSP y WII. A la bes RMHC ta ofresé un sosten importante na famianan, ku pa motibu di malesa i peliger pa bida, mester wòrdu manda afó pa tratamentu. Un eksperensha  manera esaki ta un kos hopi dramatiko y hopi mayor y muchanan mester di un èxtra sosten. For di komienso di su trabounan na Sehos, RMHC a logra di yuda ya mas ku 5000 famia durante nan periodo di strès y preokupashon komo konsekuensia di nan yu enfermo. RMHC no ta risibí ningun tipo di supsidio y ta funshoná kasi kompletamente a base di boluntario. Nos cupcakes, dor di e tema di San Valentino, lo wòrdu dòrna ku kurason, komo símbolo di amor pa otro: ” duna bo kurason, duna bo amor”. E cupcakesnan lo wòrdu bendí pa Nafl. 4,= pa unu y esnan di wòrtel ta kosta Nafl. 5,= pa unu. Ademas di e cup cake nan, lo tin tambe bolo den forma di kurason pa un prijs di Naf 75,= pa unu; kada bolo lo bin ku un premio garantisá atraktivo, komo p.e. vouchers pa “dinner for two” òf pa “weekend stay na hotel”, karchi di entrada pa North Sea Jazz, airline tickets y hopi mas. E premionan aki ta wòrdu di spònser dor di kompanianan ku kurason pa komunidat, y ku ta bin pa sostené e trabou di RMHC ya pa basta tempu kaba. Kompanianan, organisashon y komunidat en general por bestèl nan cupcakes òf bolo, via di telefon pa nan empleado, amigu y konosínan pa e dia di Valentino promé ku dia 10 di febrüari. Esaki nan por hasi via di sra. Natalie riba number di telefon 511-6888, ku lo konfirmá e pedido via di e-mail. Pa pedido mas grandi nos lo laga entregá riba dia 13 di febrüari, dor di nos voluntarionan. Nos ta spera ku e aňa aki tambe komunidat di Kòrsou lo partisipá ku e mes un konvikshon ku aňa pasá. Pa esnan ku no ta logra partisipá na e fundraiser aki, pero ku ke sostené e fundashon na un otro manera por tuma kontakto ku sra. Claudia Rigaud via di telefon 510-2999 òf email claudia.rigaud@an.mcd.com, òf Lorrie van Ooijen-Cramer via di telefon 513-8838. Den kaso ku lo ke hasi un kontribushon finansiero na RMHC, por hasi esaki via di un depósito riba kuenta di Ronald McDonald Charities Curacao Foundation, na MCB Bank riba number di kuenta 22755504 .  RMHC: E fondo rekoudá ta permití pa kontinua ku e trabaonan den RMHC Family Room i tambe yuda desaroyá inisiativanan importante ku lo benefisiá nos komunidat i espesialmente nos muchanan. For di su establesementu aki na Kòrsou RMHC a sòru pa identifiká, desaroyá i traha riba proyektonan ku ta apoyá programanan ku ta direktamente konektá ku salu hubenil riba tèrmino largu. Ku  e Family Room , RMHC Curacao Foundation a sa di yuda mas di 5000 famia y mucha na Korsow ofresiendo nan no solamente un área di rekreashon konfortabel na muchanan interná den hospital pero tambe ta brinda mayornan i famianan di muchanan aki un kamber konfortabel pa hospedá den dje ya ta serka di nan yiu.