Manera ta konosí dia di Janboos tin su kos , 2 di yuli hinter dia lo tin benta di kos dushi,  artesania, mata, paña ets. Lo bai tin un kantidat di stènt ku ta aña pasá sigur a bende tur loke ku nan a presentá kuné i p’esei e ana aki nan tei atrobe p’asina duna mas servisio.

Pa e dia

FUKADEBA ta bai ubiká un kantidat di stènt kaminda públiko por hasi bishita i kumpra tur loke nan ta deseá. Naturalmente preisnan di e lokual ku ta keda bende, ta eksageradamente barata.

Pa hende bario prome

Na prome lugá a duna oportunidat pa habitantenan di bario ku ta interesá den un stènt pa nan apliká prome serka e organisashon. Ora  a ripara ku no tabatin muchu interes a habri oportunidat pa otro personanan por akudí pa nan haña nan stènt. Tur esnan ku tin stènt mester bende loke ku nan a registrá.

Reunion:

Mañan djasabra pa 4’or tur operadó di stènt mester tei p’asina tende e último detayenan rondó i reglanan pa operashon di stènt durante di e evento Janboos tin su Kos. E reunion ta tuma lugá na Toko Janboos. E reunion ta obligatorio. Si bo no yega ta konsiderá ku apesar di tur kos bo no ta interesá pa partisipá i ta pone otro hende na bo lugá.

Nota: Esnan ku ta biba riba e aria anto ku ta kere ku nan por bende kos den nan kura di kas sin e pèrmitnan nesesario, por haña nan den situashon ferfelu. Pa tur benta ta rekerí permití di benta ofisial.