Pa medio di esaki Fundashon Seú ta invitá tur Lider di Grupo di Seú na e reunion general tradishonal di tur aña, relashoná ku partisipashon di Gruponan na Festival di Seú 2016. Partisipashon na e reunion aki ta di índole krusial! Pues, tempu atrobe ta ekstremadamente korto e aña aki, loke mester ta motibu di hopi prekupashon pa no solamente Direktiva, pero tambe pa henter e Gran Famia Seú. Ta bon pa nos realisá ku Marcha di Seú Mayó den kayanan di Otrobanda ya ta 28 di mart i esun di Bándabou 10 di aprel. Es mas, tin algun informashon adishonal ku Lidernan mester ta na altura di dje, manera e.o. e edat mas abou di un partisipante, ku a baha ku un aña. E reunion di índole  urgente aki, lo ta djasabra 20 di febrüari benidero pa 9.30‘or di mainta na Klup di Shell. Direktiva ta konta ku e koperashon balioso tradishonal di tur Lider, pa asina huntu nos sali determiná pa tantísimo  Festival di Seú eksitoso! E reunion ta kuminsá presis na ora, di moda ku esun ku ta lat lo pèrdè informashon. Nos lema di e aña aki ta: “Simia bon plantá, ta kosecha sigurá”. I e simia balioso aki, ta Boso komo Lider ta plant’é! Honor na Boso! Bini unu, bini tur! Un boka bisa otro!