Pa medio di esaki Fundashon Seú ta invitá tur Lider di Grupo di Seú na un reunion general relashoná ku realisashon di Festival di Seú 2018. Manera semper partisipashon na e reunion aki ta di índole krusial! Echo ta ku e aña aki atrobe tempu ta korto, sea ku Marcha di Seú Mayó ta tuma lugá ya dia 2 di aprel 2018. Pues, laga nos ta sumamente kouteloso i alerto pa tempu no traga nos na kaminda, ku tur  konsekuensia negativo mará na esaki. Durante di e reunion general aki, ku lo tuma lugá djasabra 11 di novèmber benidero pa 9.30‘or di maïnta na Club di Shell, lidernan lo risibí informashon adishonal relashoná ku desaroyonan nobo den Fundashon Seú. E reunion ta kuminsá presis na ora, di moda ku esun ku ta lat ta pèrdè informashon. Direktiva ta konta ku e koperashon balioso tradishonal di tur Lider, pa asina huntu nos sali determiná pa e di 43 Festival di Seú eksitoso siguí! Porsierto un rekòrt sin presedente! I e hazaña aki a bira realidat, grandemente danki na Boso enfuerso kontínuo, inkansabel i inkondishonal den mobilisashon sosio-kultural di Boso barionan. Pues, honor na Boso!