WILLEMSTAD — Djaluna, 11 di novèmber 2013, dia di St. Maarten, 10 atleta di Curaçao (Curacao Raod Test Team), forma pa 2 mucha muhé hóben (Vanessa Philbert i Shardiella Eisden) i 8 hende hòmber (Kerwyn Morris, Roebuneck Matilda, Yohance Valks, Rachid Rosalina, Karel Alexander, Waldemar Nahr, Roberto Martinez i Anthony Sterling) a partisipá na e di “26 St. Maarten around the Island relay race”. En total a partisipá 51 relay tim ku atletanan di hopi parti di mundu. Curaçao su tim a bataya fuerte kontra di timnan ku ta trein tur dia den serunan haltu. E tim a kore 31.63 kilometer den 2.03.51 ora. E tim ganadó su tempu tabata 1.54.19. E “relay” tim di Curaçao 2013 a sali na di 3 lugá overòl. Pa e biahe aki a bira posibel mester gradisí prinsipalmente: Curacaose Wegenbouw Maatschappij, MNO, Road Runners Club Kòrsou, ROTEC NV, OBNA BANK, Kibbelaar Security, Appache, dr. Allart, MLS i prinsipalmente e mayornan di e hòbenan. Nos partisipantenan tabata grandi durante di e kareda aki. Nos ta spera ku pa 2014 nos lo por haña mas koperashon pa por partisipá na e di 27 St. Maarten around the Island Relay Race 2014. Un pabien ku e logro na nos atletanan ku a representá Curaçao dignamente. Nos hobennan tabata grandi i no a sukumbi pa tur e bon koredonan di ront mundu.