WILLEMSTAD/ OKT – Tabata djabièrnè último ku e di 100,000 kliente a bishitá ‘El Mexicano’, esaki a bai kompañá ku tremendo selebrashon. Pabien na sra. Charlotte Winklaar, ku djabièrnè anochi a bishitá e restorant huntu ku su famia. Manera a keda antisipá, e di 100,000 kliente a keda risibí dor di propietarionan di e restorant ku un bukèt di flor, un show di vürwèrk i ambiente di brasbènt. Entre esnan ku a presensiá e resepshon di e 100,000 kliente a figurá invitadonan spesial i miembronan di prensa ku a risibí e kliente ganador ku aplouso i húbilo. Pa selebrá ‘El Mexicano’ a hinka un pakete di premio fantástiko den otro na balor di 5 mil florin.

E pakete di premio ku sra. Charlotte Winklaar a risibí a konsistí di un pasashi ida i buèlta ku Insel Air pa Miami, un pasashi ida i buèlta ku Insel Air pa Aruba, un ‘Sunset Sail’ pa dos persona ku Bounty Adventures, estadia pa dos persona na Lion’s Dive & Beach Resort, un sertifikado di regalo na balor di 250 florin di ‘El Mexicano’, un ‘full body massage’, ‘hotstone’ i ‘facial lift spa’ na Mesoestetic, un almuerso i uso di dos ‘beach chair’ di Aloha, diferente* kadóbòn por hasi menshon di 250 florin di De Goudsmit, 150 florin* di Ahav, 50 florin* di Siss Fashion, 50 florin* di Obsession Watersports, 50 florin* di Flip Flop Shops, un kadóbòn di Boosty, Sandalia Sunsmiles na balor di 75 florin di Body Candy, un ‘print special’ di e artista Mirjam Griffioen, un korto di kabei na Gabriel Hair & Make-up Styles i un pakete di regalo di CurAloe.

Masha pabien na sra. Charlotte Winklaar ku a bira e di 100,000 kliente di ‘El Mexicano’. Riba foto athuntu por haña un impreshon di e resepshon ku a keda prepará pa yegada di e kliente ganador. Sra. Charlotte Winklaar a keda risibí dor di propietarionan di e restorant ku un bukèt di flor, un show di vürwèrk i ambiente di brasbènt.