Pa di 7 be konsekutivo ta organisá “Restaurantweek Curaçao”. For di djaluna 2 te ku djadumingu 8 di yüni tur hende por probechá i disfrutá di un sena ku lo konsistí di mínimo 3 plato. Mas ku 40 restorant di klase ta partisipá i ta ofresé un preis super spesial di naf.55,- pa persona inkluso OB.

Un evento atraktivo.

Eksperensia di e eventonan anterior a demostrá ku restorantnan partisipante ta hopi kontentu ku e kantidat di kliente ku ta hasi uso di e servisio ofresé na un preis super spesial. E aña aki ta bolbe antisipá míles di persona ku lo hasi uso di e oferta i platonan spesial pa bishitá i disfrutá e siman aki di un òf mas restorant rònt Kòrsou. E ambiente por ta familiar pero tambe den ambiente ku koleganan di trabou. Ekselente oportunidat pa bishitá restorantnan ku abo no a haña oportunidat di bishita pa diferente motibu.

Eskoho rònt Kòrsou

Di banda abou (entre otro Karakter, Landhuis Daniel) te banda ariba (entre otro Espetada House, El Gaucho, De Kleine Wereld, Shore) tin restorant pa bishita. Ademas tin eskoho na abundansia, di ” fine dining” te bistro, di kushina franses te kushina karibense.

Restorantnan ku ta partisipá pa promé biaha ta : Osteria Rosso, Fire Grill Cafe (antes Cactus Club na Mahaai), Cristal Wine and Dine, Perla del Mar, Athiri, New York, Restaurant No. 5, Kyoto Sushi & Grill, El Mexicano, Bollywood (antes Tandoori Heights) i Craving Sushi.

Algun informashon interesante

–                      Restorant Sjalotte ta sirbi sena di sinku (5) plato.

–                      Restorant De Buurvrouw na Grote Berg tin adishonal un menú spesial pa mucha.

–                      Restorant No. 5 ta regalá 5% di kada plato na fundashon CARF (Curaçao Animal Rights Foundation)

–                      Pa promé bes tin dos restorant di sushi  ku ta partisipá.

–                      Platonan distinkto: “tempura frogleg”serka Landhuis Daniel, cake di Cola serka Seasons, palomba serka The Wine Cellar, patu serka Papagayo Specialty Restaurant  i “New England Clam Chowder ”na Cravings Sushi. Grand Cafe Augustinus na Hotèl ’tKlooster ta habri despues di tabata será

–                      mei aña, ta reanudá nan servisio ku siman di restorant.

–

Bo opinion tambe ta konta

Pa e organisashon ta importante ku tur persona ku hasi uso di “Restaurantweek”duna nan opinion relashoná ku nan eksperensia. Ta altamente apresiá si abo kompartí bo eksperensia riba nos website: www.restaurantweekcuracao.com. Buska e restorant konserní ku abo a kome i ekspresá bo opinion tokante e kalidat di kuminda i servisio. Reservá awe mes pa bo no keda desapuntá. E siguiente empresanan a hasi di shete edishon di siman di restorant posibel:. Kinderkrant, Frog Media Design, Go Weekly, One Media Group, ESO, Quality Dishware, Social Lemons, Kitatin, Teenview en Paradise FM.