… te ku dia 31 di Mei próksimo…

WILLEMSTAD MEI 2013– Djabièrnè último Renaissance Mall I Riff Fort a duna inisio na su “Dine Out Week” , esaki lo ta te ku dia 31 di mei próksimo. Durante  e dianan menshoná, tres di e mihó restorantnan den Renaissance Mall i Rif Fort; Nautilus, Infinity Beach Club i Cru Steak House & Wine Bar lo brinda un oferta spesial ku lo garantisá un eksperensia kulinario na tur bishitante.

Sosialisá, kombersá, relahá i kome bon na sea Nautilus, Infinity Beach Club of Cru Steak House & Wine Bar den Renaissance Mall i Rif Fort pa un preis hopi atraktivo. Te ku 31 di Mei próksimo tur bishitante di Renaissance Mall i Riff Fort por disfrutá di un 3 course menu na Infinity Beach Club i Cru òf un bufèt na Nautilus pa solamente Nafl. 55,00 ($30) pa persona, preis ta ekskluí service charge i tax.  Muchanan bou di 12 aña ta paga mitar preis. Ta bon pa menshoná ku e por mira e diferente menúnan riba e página di Facebook di e restorantnan partisipante den e “Dine Out Week’. Pa mas informashon òf pa hasi bo reservashon yama; 435.5000. Durante di e ‘Dine Out Week’ diskubrí un gran variedat di menú, dushi ambiente i e mihó servisio na un tremendo preis. Brinda bo mes un eksperensia kulinario riba otro nivel; sea ta kuminda di laman, steak òf platonan internashonal. Bo ta invitá pa disfrutá di ‘Dine Out Week’ na Renaissance Mall i Rif Fort.