WILLEMSTAD/ Montreal, Quebec –Renaissance Resort Kòrsou i Aruba a risibí e grato notisia ku nan a keda nombrá komo e mihó hotèl den nan respectivo merkado di akuerdo ku websáit Monarc.ca, e database mas grandi den reviews hotelero na Canada. E resortnan a keda skohé a base di su kalidat superior, mihó preis den su kategoria, e mihó hotèl pa pareha, mihó beach i mihó restorantnan kompará ku kualkier otro resort na Kòrsou i Aruba.  “Ta danki na e variashon grandi di aktividat, entretenimentu i opshonnan kulinario variá ku nos tin,  ku nos por ofresé un eksperiensha ‘one-of-a-kind’ na tantu e adulto ku ta skohe nos hotèl pa su estadia, pero tambe na famianan ku ta pasa nan vakashon serka nos. Nos resort ta un ekselente portal pa tur ku ta deseá di sera konosí ku Kòrsou i su kultura, algu ku hopi di nos huéspetnan ta haña masha valioso”, esaki di akuerdo di ku Maritza Molina, Sales & Marketing director di Renaissance Curaçao Resort.

Tokante Monarc.ca/ Sistema di votashon:

Monarc.ca ta presentá su bishitantenan, pa mayoria biaheronan Canades ku review i rating di mas di 1,000 hotèl di e destinashonnan tropikal mas popular. Na novèmber 2012, Monarc.ca a kompilá mas di 47,000 review i rating pa establesé un lista di e mihó lokalidatnan segun votonan di miembronan di Monarc.ca. E rekonosementu aki ta keda presentá tur aña i ta un reflekshon preciso di e preferensia di e biahero Canades. Loke ta distinguí Monarc.ca for di otro websáitnan similar ta ku únikamente biaheronan ku realmente a bishita e hotèl i a kumpra un biahe for di Monarc.ca su rebendedónan di biahe outorisá só por a skirbi, vota i publiká un review di nan eksperiensha. Esaki ta pa sigurá e integridat di informashon ku ta wòrdu uzá pa publikashon riba Monarc.ca. Pa mas informashon por bishitá www.Monarc.ca. Renaissance Curaçao Resort su rekonosementu ta trese gran satisfakshon, no únikamente pa e maneho diario di e empresa pero pa tur empleado ku diariamente ta traha ku dedikashon na ofresé e huéspet e mihó eksperiensha posibel.  Renaissance Curaçao ta traha ku masha disiplina pa por mantené standartenan haltu den servisio i satisfakshon pa e huéspet. “Wòrdu premiá komo e “Best Resort na Kòrsou” pa e websáit mas popular den reviews di huéspetnan prosedente di Canada ta algu ku realmente ta konfirmá ku nos empeño pa ofresé semper e mihó ta duna su frutanan”, di akuerdo ku Maritza Molina, Sales & Marketing director di e resort.