WILLEMSTAD-JUNI 2013– Dia 19 di yüni próksimo di 7’or pa 8’or di anochi Renaissance Resort & Casino lo tene su evento “Live Life to Discover” riba e Rif Fort Stage komo parti di e selebrashon di Renaissance Hotel su ‘Dia Internashonal pa Diskubrí’. Riba e dia aki Renaissance Resort ta pidi su huéspetnan pa sali for di nan kamber i uni nan mes ku demas invitadonan pa asina disfrutá di un presentashon eksklusivo di RLife LIVE ku Curaçao Youth Orchesta huntu ku Cirque De Magique. Ta bon pa menshoná ku entrada pa e evento aki ta kompletamente grátis. Renaissance su meta prinsipal pa ku e evento aki ta pa kontribuí na e strategia pa enkurashá e huéspetnan pa biba bida i diskubrí bibensianan di e merkado lokal paden i pafó di e hotèl. E selebrashon tin un meta lokal tambe, di akuerdo ku ehekutivonan di Renaissance Curaçao Resort & Casino e presentashon di artistanan lokal riba e tarima di RLife ta duna un empuhe na nos propio talentonan, spesialmente esnan mas hóben. Dia 19 di yüni próksimo Renaissance Resort & Casino ta invitá un i tur pa bin selebrá e dia internashonal pa diskubrí huntu ku huéspetnan di hotèl ku un tremendo konsierto grátis di “Live Life to Discover” ku presentashon di Curaçao Youth Orchesta huntu ku Cirque De Magique for di 7’or pa 8’or di anochi riba e Rif Fort Stage. Pa informashon adishonal por yama; 435-5022.