Un evento eksklusivo riba dia di Thanksgiving!
WILLEMSTAD – Dia 22 di novèmber próksimo, Kòrsou lo selebrá Thanksgiving! Renaissance Mall & Rif Fort e aña aki ta adoptá e konsepto di un mesa largu na unda por akomodá 70 persona pa e Thanksgiving Dinner ku lo tuma lugá dia 22 di novèmber próksimo di 7’or pa 9’or. E ubikashon di e mesa aki tambe ta úniko; lo tin un bunita bista riba e área di e fontein kual lo ta kompletamente dekorá den ambiente di Pasku. “E sitio ideal pa e sena aki ta nos ‘Rif Fort Wall’, e ta úniko i ta reservá pa e evento eksklusivo aki”, Sra Ingrid Peeraer , representante di Renaissance Mall & Rif Fort ta sigui splika ku Thanksgiving ta un selebrashon masha bunita ku poko poko ta birando masha popular aki na Kòrsou. Hopi famia ta hasi nan ‘sena di grasia’ na kas, pero e biaha aki nos ke ofresé un evento eksklusivo. Tin asiento pa únikamente 70 persona.”
Un mesa largu, na unda ku tur hende por disfrutá di nan aperitif, sena i dessert. Ademas, lo tin diferente plato ku lo por wòrdu kompartí. Por ehèmpel un grupo di 4 amiga/u, fásilmente por skohe for di e menú ku ‘sharing portions’. Afterall, ta esei ta Thanksgiving! Tur plato lo keda prepará pa e restorantnan di Renaissance Mall & Rif Fort. E anochi lo keda aksentuá ku dekorashon den ambiente tradishonal pa Thanksgiving. Por tuma asiento 7’or di anochi. Reservashon pa e evento eksklusivo aki ta nesesario; por yama 435.5099 òf email marketing@curacaorenaissance.com.
Pa hinka tur hende den ambiente tin un kampaña titulá “What I am thankful for…’ riba e página di facebook di Renaissance Mall & Rif Fort. E ganador di e kampaña lo risibí asiento pa 4 persona na e Thanksgiving Long Tabel. Dia 22 di novèmber ta un dia spesial pa yama danki, òf pa demostrá gratitut na hendenan ku ta yena nos bida di un òf otro manera. Kuponan pa e evento aki ta limitá, pues hasi reservashon trempan! Den kuadro di ‘Yama Danki’, Renaissance Mall & Rif Fort lo hasi donashon di un porsentahe di e benta di karchi na un organisashon karitativo ku ademas lo wòrdu invitá pa disfrutá di un sena spesial durante dianan di fiesta benidero.