…Dia 21 di Novèmber próksimo…

WILLEMSTAD – Temporada di fin di aña ta aserkando i Renaissance Mall i Rif Fort ta kla pa inisiá e selebrashon navideño huntu ku pueblo di Kòrsou. Dia 21 di Novèmber próksimo Renaissance Mall i Rif Fort ta lansa su kampaña ‘Shop & Grab’ kombinando esaki ku un desfile di moda i aktividatnan spesial.

Anochi pa Fashonista:

Lo kuminsá e anochi ku un ‘Fashion Night Out’ entre 6’or i 9’or di anochi. Durante e ‘Fashion Night Out’ fashonistanan por disfrutá di aktividatnan spesial den nan establesimentunan preferí. Lo tin snacks i drinks grátis, deskuentonan spesial, modelonan ‘in store’ ku lo desfilá pañanan ku e establesementu ta ofresé i hopi mas. Tambe lo tin un ‘fashion show’ ku lo kuminsá 7:00pm na unda ku lo presentá e kolekshon pa fin di aña. Establesimentunan partisipante lo ta Soho, Mango, Adolfo Dominguez, Armani Exchange, Aqua, OndadeMar, Freeport Jewelers, Swarovski i Furla. Ta bon pa menshoná ku e establesimentunan den Renaissance Mall i Rif Fort lo keda habri te ku 9’or di anochi den un ‘Shopping Night’ spesial.

Gara mas tantu sèn posibel:

Pareu ku introdukshon di e dekorashonnan navideño i presentashon di e ‘Fashion Night Out’, Renaissance Mall i Rif Fort ta lansa su kampaña di fin di aña ‘Shop & Grab’. Durante e kampaña aki tur ku hasi un kompra di 25 florin òf mas na Renaissance Mall i Rif Fort lo risibí un kupòn pa partisipá den e kampaña ‘Shop & Grab’. Na momentu ku un persona yena e kupòn i deposit’é den e buzon pa gana un chèns di drenta e ‘cash cube’ (un kúbiko di glas ku ta wòrdu yená ku aire i plaka kèsh). E idea ta pa e hende gara mas tantu sèn posibel miéntras e airu fuerte ta supla e plaka den e kúbiko. Esaki mester tuma lugá den e kantidat di tempu ku e persona a gana, por ehèmpel 10 sekònde, 20 sekònde, 25 sekònde òf 30 sekònde. E kúbiko di plaka kèsh lo kontené un total di Naf. 30.000 kèsh i lo saka 5 ganador pa drenta e ‘cash cube’. Mas bo kumpra, mas kupòn bo ta risibí i mas chèns pa drenta e ‘cash cube’. E kampaña lo ta vigente for di 21 i novèmber te ku 18 di desèmber, final lo ta dia 19 di desèmber i tur ganador lo drenta e ‘cash cube’. E klousura di e kampaña lo bai kompañá ku entretenimentu i un evento públiko.

Renaissance Mall i Rif Fort ta invitá pueblo di Kòrsou pa djasabra 21 di novèmber. Lo sende lusnan di e dekorashon di Pasku i ta invitá públiko pa atmirá e kolekshonnan nobo, spesialmente pa fin di aña di tur establesimentunan na Renaissance Mall i Rif Fort. E fin di aña aki Renaissance Mall i Rif Fort lo ta un biaha mas e sitio mas bishitá pa tur ku ta deseá di realmente sinti un ambiente navideño. Keda pendiente pa e ‘Black Friday Sale’ ku e aña aki lo ta dia 27 di novèmber próksimo.