…Awe djaweps 21 di Novèmber…

WILLEMSTAD:- Renaissance Mall & Rif Fort ta klá pa kontagiá Kòrsou ku su ambiente di fin di aña presentando su  tradishonal dekorashon di Pasku ku lo brinda un i tur un ambiente navideño sin igual, pa kana hasi kompra i relahá. Awe, djaweps 21 di Novèmber bishitá Renaissance Mall & Rif Fort for di 6’or te ku 9’or di anochi i disfrutá di un nochi ameno kompañá ku músika, pasaboka navideño i oportunidat di saka potrèt ku Papa Pasku. Ademas di e dekorashon di Pasku eksepshonal Renaissance Mall & Rif Fort lo tin diferente aktividat spesial den área di e resort tambe. Pa hinka tur bishitante den e ambiente di fin di aña lo tin presentashon musikal di Los Originales kuminsando for di 7’or te mitar di ocho riba Plaza Flontein i pa esnan ku ta deseá di bishitá Rif Fort lo tin presentashon di Gilmar Fraites  for di 7’or te ku 11’or di anochi riba esenario prinsipal di Rif Fort. Ademas di esaki, Papa Pasku lo tei ofresiendo e oportunidat pa saka potrèt ku henter famia. Tambe lo repartí ‘Xmas Candy’ grátis i tur esnan ku hasi nan kompra durante e anochi di kompra lo tin chèns di gana premionan atraktivo. Renaissance ta invitá pueblo di Kòrsou pa pasa atmirá e dekorashon pa e temporada di fin di aña aki i probechá e oportunidat di kumpra bo regalonan pa Pasku. E aña  aki e popular nochi di kompra di Renaissance Mall & Rif Fort lo tuma lugá riba tur djaweps kuminsando dia Novèmber 21 ku presentashon live di Gilmar Fraites. E fin di aña aki hasi Renaissance Mall & Rif Fort ‘The place to be’