WILLEMSTAD Yüli– Durante e siman di 26 di Yüli te 3 di Ougùstùs Renaissance Mall i Rif Fort ta introdusí su ‘Sip & Savor Week’. Den e siman aki un i tur ta keda kordialmente invitá pa bishitá e mihó restorantnan den Renaissance Mall i Rif Fort p’asina probechá di un siman yená ku oferta spesial kaminda por disfrutá di platonan ekskisito, drinks i entretenimentu bibu. Durante e temporada di fakansi hopi ta esnan ku ta probechá sali i disfrutá ku famia kompletu, pues e mihó momentu  pa hasi esaki ta durante e siman dediká na ofertanan spesial di e mihó restorantnan den Renaissance Mall i Rif Fort. Pa solamente Naf 55.00 p/p un i tur por saboriá un delisioso 3 course menu di sea; Ema-Tei, Steak & Ribs, Indi’s Spice Bar, The Sopranos Piano Bar, Salt & Pepper òf Anchor. Pa esnan ku ta amante di ice-cream, Don’s Ice Cream ta ofresé un oferta spesial riba su Belgium Waffle ku un bola di bo eiskrim favorito. Ademas di esaki Rif Fort Bar tambe ta uni su mes den e ‘Sip & Savor Week’ brindando 10% di deskuento riba e kuenta final durante e siman di oferta. Komo chèri riba e bolo lo tin entretenimentu bibu di Djarason te ku Djasabra riba Rif Fort stage. Pues for di 26 di Yüli te ku 3 di Ougùstùs Renaissance Mall i Rif Fort ta invitá pueblo di Kòrsou pa bin probechá di e ofertanan spesial durante e ‘Sip & Savor Week’. Kòrda ‘like’ e página di Facebook di Renaissance Mall i Rif Fort p’asina bo keda na altura di tur akontesimentu i ofertanan spesial.  Nos ta topa otro durante ‘Sip & Savor Week’ na Renaissance Mall i Rif Fort!