Dia 11 di yüni próksimo 160 hotèl Renaissance rònt mundu ta selebrá ‘Global Day of Discovery’
Willemstad – yüni – Dia 11 di yüni próksimo pa di 4 aña konsekutivo Renaissance Curaçao Resort &Casino ta brinda su huéspetnan i pueblo di Kòrsou un evento spesial komo parti di su ‘Global Day of Discovery’. Riba e dia aki tur 160 hotèl Renaissance rònt mundu (den mas ku 40 pais) ta dediká un dia spesial na inspirá deskubrimentu, esaki dor di organisá eventonan eksklusivo riba- òf for di e propiedat.
E aña aki e huéspetnan lo disfrutá di un ‘tour’ edukativo den e bario di Otrobanda. Durante e ‘tour’ aki nan lo sera konosí ku e historia, kultura i arkitektura di Otrobanda. Rif Fort mes ta un di e atrakshonnan masha popular den Otrobanda, e fòrti a wòrdu konstruí na aña 1828. Durante di e ‘tour’ e huéspetnan lo disfrutá di algu di bebe na Nettobar. Lo finalisá e kaminata edukativo aki na Rif Fort na unda ku tantu e huéspetnan komo pueblo di Kòrsou lo disfrutá di entretenimentu di ‘Unlocked’ un banda hóben ku ta interpretá kansionnan baliabel, esaki lo ta for di 7’or pa 8’or. Ademas di esaki, Nautilus Restaurant ta brinda un sena krioyo estilo bufèt ku delisianan lokal manera; keshi yená, papaya stobá, piska hasá ku sous krioyo, banana hasá, polenta i hopi mas. Pa solamente $38.44 (inkluyendo OB i gastu di servisio) malkriá bo mes i famia kompletu ku un sena i asina selebrá e ‘Global Day of Discovery’.
Renaissance Curaçao Resort & Casino tambe ta forma parti di ‘Global Day of Discovery’ i lo invitá tur huéspet pa sera konosí ku Kòrsou di un manera úniko.