WILLEMSTAD – Mei 2015–  Resientemente Renaissance Curaçao Resort & Casino a risibí e grato notisia ku nan ta resipiente di un rekonosementu di Booking.com. Esaki ta keda duná anualmente na hotèlnan ku a brinda ekselente akomodashon i servisio na kliente. E premio ta keda otorgá na e hotèl pa di e forma aki futuro huéspetnan tin referensia di e kalidat di servisio ku nan por spera. Hotèlnan ku un reseña riba un 7 ta eligibel pa risibí un Booking.Com Award. Renaissance Curaçao Resort & Casino awe, den 2015 ta ubiká entre e tòp 10 hotèlnan na Kòrsou, e premio di Booking.Com a keda otorgá na 15 akomodashon riba nos isla. Di akuerdo ku maneho di Renaissance Curaçao Resort & Casino e Award ta premia e trabou duru i dedikashon pa un servisio ekselente di tur empleado di Renaissance. “Pa Renaissance Curaçao Resort e rekonosementu ta trese gran satisfakshon, no únikamente pa e maneho diario di e empresa pero pa tur empleado ku diariamente ta traha ku dedikashon na ofresé e huéspet e mihó eksperiensha posibel”, esaki di akuerdo ku  Sra. Maylin Trenidad, General Manager pa Renaissance Curaçao Resort & Casino. Un puntuashon di 8.8  ta zùiver pa un ‘Excellence Award’; esaki ta wòrdu duná riba base anual i ta pa rekonosé esfuersonan pa e aña previo, pues den 2015 ta entregá rekonosementu pa logronan den 2014; esakinan ta keda midí dor di komentarionan general di e huéspet riba e portal di biahe Booking.Com.  Mas di 200,000 akomodashon, 70,000 destinashon den mas di 200 pais ta keda evaluá tur aña di nobo dor di e propio huéspet. E huéspetnan for di tur parti di mundu den forma unánime a bin ta duna elogio pa e hospitalidat di e hotèl, akomodashon prominente, servisio ekselente i fasilidatnan di primera.