Un eksperensia kulinario, tequila i mariachi!

WILLEMSTAD – SEPT–  Djabièrnè awor dia 14 di sèptèmber Renaissance Curaçao Resort ta kuminsa selebrá Dia di Independensia di Mexico. Esaki lo sosodé na Nautilus Restaurant ku un sena di 6 plato prepará dor di Chef Fermin Roque ku ta di bishita for di Cancun, Mexico. E ‘6 course Gourmet Taco Dinner’ lo keda kompañá ku un selekshon di bebida mehikano i bebidanan spesialmente selektá dor di e mixólogo Jonathan Rodriquez. Tin oportunidat pa dinner entre 7’or i 11’or di anochi na Nautilus Restaurant.

Riba djasabra dia 15 di sèptèmber, Infinity Beach Club lo presentá un atardi spesial na unda ku mixólogo Jonathan Rodriquez lo prepará bebidanan úniko i tradishonal mehikano den un interakshon dibertido ku bishitantenan. Tur esaki lo sosodé kantu di awa na Infinity Beach Club entre 6’or di atardi i 11’or di anochi. Lo tin animashon di Mariachi Fortuna i DJ Seven; di e forma aki ta aksentuá un berdadero ‘fiesta mehikano’. Ademas, disfrutá di un ‘Mexican Seafood Buffet’ pa únikamente $49 incl. tax i tambe 2 bebida mehikano selektá dor di mixólogo Jonathan Rodriquez.

E fecha ofisial pa selebrashon di Dia di Independensia di Mexico ta 16 di sèptèmber, sinembargo Renaissance Curaçao Resort tin dos chef bishitante di JW Marriott Cancun, pues ta kuminsa selebrá for di djabièrnè dia 14 di sèptèmber. Brandsimex lo partner ku Renaissance Curaçao Resort durante di e fin di siman aki promoviendo nan tequila ‘El Jimador’. Hasi bo reservashon trempan pa Nautilus su ‘6 course Gourmet Taco Dinner’ ($69 incl tax.) i tambe pa e ambiente i bufèt na Infinity Beach Club yamando 435.5000. No lubidá; tin WiFi i parkeo grátis pa tur kliente!