A probechá pa remodelá Infinity Beach Club
WILLEMSTAD – Renaissance Curaçao Resort & Casino ta kontentu di por yama bishitantenan lokal, Karibe Hulandes i Hulanda bon bini atrobe! Di akuerdo ku maneho a tuma un poko mas largu ku programá pa bolbe habri portanan di e resort, pa motibu ku a probechá e momentu pa upgrade Infinity Beach Club di manera ku ora habri bèk por sirbi tur bishitante den e área remodelá manteniendo nan ekselente servisio. Manera tur hende sá, na yanüari ultimo Renaissance Curaçao Resort & Casino a selebrá engrande su remodelashon ekstenso, pues awor por bisa ku Infinity Beach Club tambe a keda remodelá pa fit e estilo nobo di e propiedat.
Renaissance Curaçao Resort ta un resort klave den Kòrsou su industria turístiko, por a mira esaki den e tantísimo interes ku bishitantenan tabata tin durante di e remodelashon i despues di e re-apertura. Maneho di e resort ta kontentu di anunsiá ku ademas di tur medida di prekoushon i protokòlnan di higiena di Wind Creek Hospitality i Marriott International, a kumpli ku tur esnan di gobièrnu di Kòrsou tambe. Staff i personal di Renaissance Curaçao Resort a keda entrená i aktualisá riba e medidanan preventivo i por bisa ku e resort ta klá pa risibí su bishitantenan.
Tambe ta anunsiá ku tin diferente área na Renaissance Curaçao Resort na unda ku por organisá eventonan chikitu òf reunionnan spesial. Esaki ta posibel tambe na Infinity Beach Club, ku awor ta resien remodelá i manera semper ta ofresé un panorama impreshonante pa kualke evento privá. Pa mas informashon tokante e diferente posibilidatnan por yama 4355009 òf por email nsoleana@curacaorenaissance.com
Welcome Back!
Pa risibí bishitantenan di Kòrsou, Aruba, Boneiru, St. Maarten i islanan BES ta introdusí un oferta super spesial pa estadia bálido te ku Sèptèmber 30, 2020. E tarifa lo ta kuminsando na $139 pa kamber, pa anochi inkluyendo tur impuesto i tambe desayuno pa 2 persona. Estadia ta di mínimo 2 anochi. Tambe, tin un tarifa ‘room only’ di $99, ekskluyendo impuesto. E tarifa(nan) spesial ta únikamente bálido pa reservashonnan nobo. Na momentu di check-in mester presentá un ID bálido. Pa reservashon por yama 435.5000 òf e-mail reservations@curacaorenaissance.com