Willemstad – Yüli – Manera ya tur hende sá, den fakansi grandi Art Rules Curaçao ta tene nan tayer pa hóbennan den kual ta desaroyá entre otro talentonan teatral, musikal i di baile. Art Rules ta un programa di arte mundial ku ta ofresé 2 siman di tayer na tur hóben ku ta deseá di desaroyá nan talento bou di guia profeshonal. Esaki ta di tres aña konsekutivo ku Renaissance Curaçao Resort ta aportá na e programa pa desaroyo artístiko di hóbennan. Próksimamente lo presentá e ‘Open Dance Class’ na unda e maestranan Bembika i Nubian Nene lo ta presentando un workshop di baile na e fòntein di Renaissance Mall.

E tayer den aire liber lo ta grátis pa tur ku ke partisipá i siña algun moveshon nobo i trendy.   Músika lo ta den man di DJ Mary Mac direktamente for di New York. Mary Mac ta un dee-jay ku renombre mundial i a toka na vários fiesta di artistanan grandi manera Whitney Houston, Queen Latifah, Cassiday, Kimora Lee, Madonna i vários otro mas. DJ Mary Mac lo interkambiá ku DJ Reborn durante di e ‘Open Dance Class’. Marka 2 di ougùstùs den bo agènda pa e workshop di baile ku lo tuma lugá na fòntein di Renaissance Mall kuminsando 7’or – te ku 9or di anochi. Renaissance Curaçao Resort ta invitá tur hóben pa partisipá i hasi e tayer di baile aki un biaha mas grandi i eksitoso. Pa mas informashon por bishitá e wèpsait www.artrules.org