…Pabien ku un otro edishon di Curaçao North Sea Jazz Festival…

WILLEMSTAD:- “Despues di un siman, ainda e reakshonnan pa CNSJ ta sumamente positivo- tabata di spera tambe. Kòrsou un biaha mas tabata den ‘gara’ di CNSJ; tantu lokal komo bishitantenan internashonal tin rekuerdonan grato di e konsiertonan ku a tuma lugar fin di siman pasá. Nos bishitantenan ta impreshoná ku e  nivel haltu di organisashon i a keda fasiná ku nos isla i e eksperensia ku nan tabata tin durante e wikènt di CNSJ”, esaki di akuerdo ku Sra. Maritza Molina, direktora di merkadeo pa Renaissance Curaçao Resort. Renaissance Curaçao Resort, ke gradisí e organisashon di CNSJ i Fundashon Bon Intenshon pa un biaha mas skohe nan fasilidatnan. E konsiertonan di CNSJ ta un sosten grandi na e pilar turístiko di Kòrsou, pues no por keda sin demostrá gratitut i felisitá e organisashon ku un eksitoso edishon di Curaçao North Sea Jazz. Durante di e fin di siman, Renaissance Curaçao Resort tabata anfitrion di crew members, músikonan i artistanan ku a presentá durante di CNSJ- e huéspetnan internashonal a hasi uzo di tur fasilidatnan di e hotèl, inkluyendo e Infinity Beach ku a laga nan kompletamente impreshoná. Tin algun ku a hasta ekspresá nan intenshon di bolbe bèk Kòrsou i Renaissance Curaçao. “Satisfakshon di nos huéspetnan semper ta na promé lugar, ta nos meta semper pa ofresé un bon servisio ku ta hasi e estadia di e huéspet unu inolvidabel”. Ademas di esaki a presentá e  ‘After Party’ tambe, ku te dia di awe, ta sòru pa komentarionan masha positivo di bishitantenan i empleadonan di Renaissance Curaçao Resort.