Anochi den hotèl, desayuno, sena i karchi di entrada den un pakete:

Willemstad – AUG – Den gran antisipashon pa e anochi di Caribbean Queens, Renaissance Curaçao Resort ta anunsiá su pakete ‘Stay-Over’. Disfrutá di e konsiertonan i hospedá e anochi. Renaissance Curaçao Resort ta ofresé un kamber double bálido riba djasabra dia 26 di ougùstùs pa únikamente $162 pa persona den kamber dòbel. E pakete- pa persona- ta inkluí akomodashon den e Deluxe Ocean view room, desayuno, un sena na Nautilus Restaurant òf Xquisit Restaurant i un entrada general pa e konsierto Caribbean Queens. E pakete aki ta inkluí impuesto i kargo di servisio.  Tuma nota ku e oferta aki ta bálido únikamente pa e anochi di 26 di ougùstùs. Lo mester presentá un identifikashon bálido na momentu di check-in.

Riba djasabra dia 26 di ougùstùs Renaissance Curaçao Resort ta presentá 3 dama den konsierto, kada un di nan ku nan propio agrupashon musikal. Mafalda Miguel, Shirma Rouse i Izaline Calister. E Ocean Front Park na Renaissance Curaçao Resort lo keda kombèrtí den un anfiteater pa presentá Caribbean Queens. Si ta deseá di keda anochi adishonal, esaki lo ta $145 pa kamber, inkluyendo desayuno pa 2 persona. Preis pa e anochi adishonal ta ekskluí kargo di servisio. Renaissance Curaçao Resort a pone un kantidat limitá di kamber disponibel pa kompletá e eksperensia di Caribbean Queens.  Pa reservashon por yama 4355000.

Karchi general pa Caribbean Queens ta kosta Nafl 55 i ta optenibel na Mensings Caminada, Bruna i 24 Uur uit de Muur. Ticket VIP lo wòrdu bende eksklusivamente na frontdesk di e hotèl. Karchinan VIP ta inkluí 2 bòter di bebida, 2 snacks i seating preferensial. Pa mas informashon tokante benta di karchi, VIP òf e konsierto por bishitá e página di Facebook di Renaissance Curacao Resort. Lo tin parkeo grátis den e garashi di stashonamentu. Renaissance Curaçao Resort ta invitá tur fanátiko i amante di bon músika pa forma parti di un anochi ku sigur lo ta sumamente spesial!