Djaweps awor dia 27 di aprel

WILLEMSTAD – Ya e ta un tradishon; Dia di Rei ta na Renaissance Curaçao Resort! Dia 27 di aprel próksimo famia kompletu ta invitá pa bishitá Renaissance Mall i Rif Fort pa e selebrashon grandi di e aña aki. Ta kuminsá e selebrashon for di 10’or di mainta ku e tradishonal bazar rondó di e fòntein di Renaissance Mall i parti paden di Rif Fort. Manera ya kaba publiká, e fòntein ta bèk den funshon i sigur lo duna un toke èkstra na e dia.

Ademas di esaki, lo tin entretenimentu musikal di Dj Ro-1 pa garantisá ku e ambiente lo ta unu tur afó. Tambe lo tin un photo-booth na unda ku bishitantenan por saka potrèt i bira Rei òf Reina pa un dia i tene esaki komo rekuerdo di Kings Day 2017 na  Renaissance Mall i Rif Fort. Ademas, tur hende sá ku e mihó ofertanan riba pañanan di marka di renombre ta riba Dia di Rei na Renaissance Mall i Rif Fort. Tur establesimentu lo tin deskuento òf ofertanan atraktivo i diferente restorant lo tin promoshon.  Disfrutá di un dushi mojito na e stènt di Mi Mojito i un wafel di Dushi Waffles miéntras ku ta hasi un paseo.