WILLEMSTAD – E dia internashonal di amor ta aserkando i e mihó manera pa selebrá esaki ta ku un sena romántiko. Renaissance Resort Curaçao i Renaissance Mall & Rif Fort ta ofresé vários opshon ‘sukulento’ pa Dia di San Valentino.

Infinity Beach Club: Sena privá bou di streanan

E San Valentino aki malkriá e persona spesial ku un sena romántiko privá i íntimo kantu di laman bou di streanan na Infinity Beach Club situá ariba na Renaissance Resort Curaçao. Skohe entre un 3, 4 òf 5 ‘course menu’ i risibí un bòter di ‘Sparkling Wine’ grátis kuminsando for di Naf. 315.00 pa pareha (inkluyendo impuesto). Un ambiente adekuá pa e dia di amor kombiná ku platonan di kalidat haltu ta garantia pa un selebrashon di San Valentino perfekto. Pa reservashon òf informashon por yama 435-5036

CRU Steakhouse & Winebar: Un selebrashon di Amor

Un ambiente íntimo ku bela, biña i steak di kalidat haltu ta loke bo ta deseá pa San Valentino? Bishitá CRU situá den Renaissance Mall & Rif Fort riba dia di San Valentino i probechá di e gran spesial pa Naf. 195.00 pa pareha (inkluyendo impuesto). E oferta spesial aki ta inkluí un 3 ‘course menu’ i un ‘welcome drink’ grátis pa tur pareha. Ademas di esaki CRU ta ofresé su lista amplio di biñanan spesial pa dia di San Valentino ku por skohe for di dje. Pa reservashon òf informashon por yama 435-5090

Nautilus Restaurant: Enamorá ku kada ‘hap’

E manera pa yega na e kurason ta via di e barika. Dia di San Valentino Nautilus ta ofresé un 3 ‘course dinner’ pa Naf. 170.00 pa pareha (inkluyendo impuesto). Tur pareha ku probechá di e oferta spesial aki lo risibí un ‘welcome drink’ grátis. Ademas di esaki Nautilus tin un lista amplio di biña spesial pa dia di San Valentino. Pa reservashon òf informashon por yama 435-5034. E regalu bo falta?? Kòrda ku Renaissance Mall ta brindabu ‘High quality stores’ kaminda sigur lo bo haña algu special pa bo ser queri. Kompartí e sintimentu di amor Abo tambe na Renaissance Resort Curaçao i Renaissance Mall & Rif Fort.