WILLEMSTAD – Dia 14 di febrüari próksimo nos tur ta selebrá ‘Amor’ i Renaissance Resort Curaçao tambe ta uni su mes na e selebrashon aki  ku ofertanan spesial na Nautilus, Cru Steak House & Wine Bar i Infinity Beach Club. Hasi e dia di San Valentino aki unu memorabel ku un sukulento Valentine’s Buffet di Nautilus na balor di Naf 170.00 pa pareha (inkluyendo gastu di servisio i OB). Na yegada Nautilus ta regalá tur pareha un welcome drink kompañá ku un regalo spesial. Amantenan di steak i biña ta keda invitá pa selebrá dia di San Valentino na Cru Steak House & Wine Bar i disfrutá di un 3 course menu pa solamente Naf 200.00 pa pareha (inkluyendo gastu di servisio i OB). Tur pareha ku bishitá Cru Steak House & Wine Bar lo risibí un bebida di bon bini i un regalo spesial. Si ta un ambiente den airu liber ta loke bo ta deseá pa e San Valentino aki bishitá Infinity Beach Bar ku ta ofresé un setting romántiko kant’i laman. Tur pareha lo risibi un welcome drink, 5 course menu i un regalo spesial esaki- pa Naf 200.00 pa pareha (inkluyendo gastu di servisio i OB). Ta bon pa menshoná ku tantu Nautilus, Cru Steak House & Wine Bar i Infinity Beach Club ta tin un lista amplio di biña di kalidat haltu pa tur esnan ku ta amante di biña. Si akaso bo falta e regalo perfekto kòrda ku Renaissance Mall & Rif Fort ta e sentro komersial ku markanan renombrá na unda ku sigur lo bo haña algu spesial pa bo ser kerí. Pa reservashon yama Nautilus na: 435-5034, Cru Steak House & wine Bar na: 435-5090  òf Infinity Beach Club na: 435-5000. Kòrda ku “Momentunan nos ta kompartí i Rekuerdonan nos ta krea…” pues e San Valentino aki hasi Renaissance Resort Curaçao bo eskoho amoroso pa bisé kuantu bo ta stim’é.