Wepsáit Hotels.com ta rekonosé Renaissance Kòrsou ku sertifikashon ‘Ekselente’

Willemstad – Anualmente Hotels.Com ta hasi sondeo entre nan usuarionan; tur bishitante di e wepsáit por duna nan hotèl faborito un puntuashon- 5 ta e puntuashon di mas haltu ku por optené riba Hotels.com. E usuario mester ingresá e hotèl, na un respektivo siudat òf pais. Ya kaba resientemente Bookings.com a duna Renaissance Curaçao Resort & Casino un sertifikashon di ekselensia i un skor di 8.7.. Awòki ta Hotels.com ta rekonosé e hotèl entre e mihó hotèlnan di Kòrsou.

E rekonosimentu pa Renaissance Curaçao Resort ta yega manera un bon notisia i un broche di ekselensia pa tur empleado ku tur dia di nobo ta traha duru pa mantené e standartenan di e hotèl. Resientemente representantenan di Hotels.com a bishitá gerensia di Renaissance Curaçao Resort pa entregá nan e sertifikado di puntuashon. Un skor di 4.4 for di e 5 ku por a optené, esaki ta un sertifikashon ‘Ekselente’. “Nos ta masha orguyoso di nos koleganan, nan determinashon pa servisio ekselente na nos bishitantenan ta hasi ku nos hotèl ta keda den tòp. Nos ta gradisí tur huéspet, no únikamente internashonal pero lokal tambe. Tur ku ta bishitá nos for di islanan bisiña, ku durante di nan bishita na Kòrsou pa kualke evento ta hasi di Renaissance Curaçao Resort nan kas. Masha Danki”, esaki di akuerdo ku Maylin Trinidad direktor di Renaissance Curaçao Resort.