Durante dianan di selebrashon, tur dia 7 kamber na preis di $77

WILLEMSTAD – Yanüari 2016 – Ya ta 7 aña pasá ku Otrobanda a keda flankiá ku un resort nobo. Durante di e shete añanan aki, Renaissance Curaçao Resort a bira sentro di atenshon i e promé opshon pa tur bishitante ku ta deseá di keda den un hotèl di kalidat ‘premium’ pero tòg serka di sentro di siudat. Renaissance Curaçao Resort a kambia e panorama di Otrobanda pa semper. No únikamente ta ofresé estadia, pero den e mesun área tin Renaissance Mall i Rif Fort.

Dia promé di febrüari próksimo Renaissance Curaçao Resort ta selebrá su di 7 aniversario. Pa selebrá esaki lo tin 77 ora di oferta spesial pa tur bishitantenan lokal i internashonal. E asina yamá ’77 Hour Anniversary Sale’ ta kuminsá for di dia promé di febrüari 9’or di mainta te 4 di febrüari 2’or di mèrdia, ora lokal. Estadia mester wòrdu realisá entre Febrüari 1 i Desèmber 22, 2016. Durante di e dianan aki lo pone tur dia 7 kamber disponibel na un preis spesial di $77 pa anochi ‘room only’, ku un mínimo di 7 anochi. Promoshon ta bálido tambe pa reservashon di e kategoria ‘Resort King’ ku tin un mínimo di 2 anochi. Preis no ta inkluí impuesto (24.12%). E kambernan aki lo wòrdu promové riba tantu e wepsáit di hotèl komo websáitnan di biahe manera Expedia, Booking.com i otronan. Lo tin fechanan ku restrikshon; sea lihé den bo reservashon!

For di un eksperensia kulinario internashonal, paseo di kompra den establesimentunan di ‘primera’ te na entretenimentu eksepshonal, Renaissance Curaçao Resort ta ‘biba’ sentro di siudat Otrobanda. Pa mas informashon por bishitá www.renaissancecuracao.com òf yama 435-5000.