Tur yu por traha un ‘pannenkoek’ spesial pa nan mama
WILLEMSTAD – Mei – No tin un amor ku por igualá e amor di mama i e Dia di Mama aki nos ta bai demostrá mama esaki di un manera spesial na Renaissance Curaçao Resort & Casino. Riba Dia di Mama, 11 di mei próksimo Renaissance Curaçao Resort & Casino ta invitá tur mama i famia kompletu pa skohe for di e opshon amplio di brùnch na tantu; Nautilus Restaurant, Atrium i CRU.
Nautilus Restaurant:
Nautilus Restaurant ta klá pa malkriá tur mama ku un sukulento; “Thank You Brunch” pa solamente Naf. 99,= pa persona kuminsando for di 12:00pm te 3:00pm. Durante e brùnch aki lo tin entretenimentu bibu di The Other Level ku lo sòru pa un dushi ambiente na unda ku famia kompletu lo por eksperensiá un tra’i mèrdia kontentu. Pa esnan ku ta interesá, Nautilus Restaurant lo tin posibilidat pa sena tambe.
Atrium:
Pa un ambiente apart i outéntiko regalá mama un “Thank You Brunch” na Atrium situá riba e di 3 piso di Renaissance Curaçao Resort & Casino. Pa solamente Naf. 109,= pa persona mama i famia kompletu por disfrutá di un delisioso brùnch for di 12:00pm pa 3:00pm. Durante di e brùnch aki tambe lo tin entretenimentu bibu, e biaha aki na enkargo di Gino Coehlo.
Cru Steak House & Wine Bar:
Riba dia di mama laga mama sintié manera un berdadero Reina ku e Queen’s Brunch na Cru Steak House & Wine Bar. Disfrutá di un brùnch ku lo brinda un eksperensia kulinario eksepshonal pa solamente Naf. 99,= pa persona. Pa kompletá e selebrashon di Dia di Mama Cru situá na Renaissance Mall lo tin entretenimentu bibu di Gilmar Fraites durante brùnch. Ta bon pa menshoná ku Cru Steak House & Wine Bar lo ta habri pa sena tambe.
E aña aki Renaissance Curaçao Resort & Casino ke pone un toke spesial na e selebrashon di Dia di Mama dor di laga tur yu prepará un repa spesial (pancake) pa nan mama durante kada un di e brùnch(nan). Ta bon pa menshoná ku tur preis ta inkluí OB i kosto di servisio. Ta sugerí pa hasi reservashon trempan na 435-5000 ya asiento ta garantisá. Ta bon pa menshoná ku tur brùnch ta inkluí bebidanan no-alkohóliko. E Dia di Mama aki hasié unu memorabel, trit mama i famia kompletu un brùnch na sea; Nautilus Restaurant, Atrium òf Cru Steak House & Wine Bar.
