Willemstad –MEI–Resientemente Renaissance Curaçao Resort & Casino a rekonosé koleganan ku a sobresalí den e promé kuartal di 2019. Gerensia, staf i personal ta felisitá tur kolega sobresaliente  i ta premirá un aña masha produktivo. E importansia di rekurso humano di e empresa ta keda aksentuá kontinuamente. Ya for di e promé kuartal por tuma nota di e dedikashon i pashon di kada kolega pa ehersé nan trabou. Di akuerdo ku Angelo Martes, direktor di Rekurso Humano esaki ta netamente loke ta distinguí Renaissance Curaçao Resort & Casino.

Durante henter e aña aki Renaissance Curaçao Resort & Casino lo rekonosé koleganan ku a sobresalí den nan respektivo kuartal, esaki pa premia dedikashon, kumplimentu ku e balornan i propósito di e empresa, ekselensia i trabou den ekipo. Un pabien na e tim sobresaliente den e promé kuartal di 2019 ku ta Margin Roojer komo Employee Front of the House,  Nayda Soleana ku a bira Employee Heart of the House, Morgian Matthew, Supervisor Front of the House i Peggy Muzo, Manager pa hotèl.  Pa loke ta casino a rekonosé, Kevin Kwidama komo Employee Heart of the House, Carismah Boeldak a bira Employee Front of the House, Candida Gordon- Supervisor Front of the House i Sharnesca Lebar komo Manager pa Casino. Masha Pabien! Riba fotonan athunto esnan ku a sobresalí den e promé kuartal di 2019.