Willemstad – Òktober – Resientemente Renaissance Curaçao Resort & Casino a tene su eksposishon di Pasku pa e aña aki. Tabata un grupo di invitadonan ehekutivo i selekto kompañá pa miembronan di prensa a haña oportunidat di mira e konsepto pa un selebrashon di pasku estilo di Renaissance. Durante di e evento a hasi introdukshon tambe di e tema di e aña aki ku ta “Dazzling Holiday Fête”. Invitadonan a keda altamente impreshoná pa e dekorashon luhoso ku Renaissance Curaçao Resort & Casino a presentá. E aña aki a usa kolónan blanku ku plata i un toke di kòrá. Ademas di esaki a pone énfasis tambe riba e selekshon kulinario eksepshonal di tur loke ta bai wòrdu ofresé durante e selebrashon di Pasku. A traha e menúnan spesialmente pa e selebrashon di fin di aña ku variashon i deseo di kada persona na mente pa asina satisfasé un i tur. Pa duna e presentashon un toke èkstra a introdusí un konkurso di ‘selfie’ na unda ku e invitadonan por a gana premionan fabuloso. Pa selebra e fin di anja aki estilo di “Dazzling Holiday Fête” huntu ku famia, konosí òf koleganan di trabou na Renaissance Curaçao Resort & Casino hasi reservashon awe mes yamando 435-5015.