WILLEMSTAD – Resientemente a selebrá 5 aña ku Renaissance Curaçao Resort a habri su portanan na Kòrsou. Ta trata aki di un proyekto ku for di e promé intenshon te na e lastu  detaye di ehekushon a pensa riba Kòrsou su hendenan, su posishon komo isla den Karibe  i komo produkto turístiko. Pa demostrá gratitut na e pueblo di Kòrsou pa e sosten risibí atraves di añanan Renaissance Curaçao Resort a tene un atardi ameno yená ku ofertanan spesial. E selebrashon a konta ku presensia di hopi kliente i bishitantenan fiel di tantu Renaissance Curaçao Resort komo Renaissance Mall Rif Fort. E selebrashon a kuminsá ku presentashon live di High Way Band riba Renaissance Fountain Plaza for di 3’or di atardi. Manera ta e kustumber na tur selebrashon a repartí bolo i algu di bebe pa tur kliente. Ademas di esaki for di oranan trempan di mainta Renaissance Mall a ofresé ofertanan spesial. Renaissance Curaçao Resort kier a gradisí e pueblo di Kòrsou pa e sosten i lealtat demostrá. Ta invitá un i tur pa keda pendiente di promoshonnan atraktivo ku lo tin den transkurso di henter e aña aki.