ORANJESTAD – November – E weekend aki, Renaissance Aruba ta dunabo un experencia culinario cu varios opcion pa lunch y dinner. Despues di e exitoso ‘So Thai’, awor e team di Chefnan ta cla pa presenta ‘OUZO’. Pa e weekend aki so, ex Carpe Diem situa dilanti di Renaissance Mall lo bira un pop-up restaurant Griego.  Diabierna y diasabra, OUZO lo ta habri pa sirbi lunch y dinner. Lo presenta un menu specialisa den cushina Griego unda cu bo por saboria platonan manera ‘Souvlaki’ of ‘Moussaka’ y tambe algun cocktail Griego. Bin cera conoci cu e cuminda tradicional di Grecia den un estilo ‘street-food’. OUZO lo ta habri for di 12or di merdia te cu 11or di anochi y for di 11or di anochi te cu 1’or di marduga, e lo bira un ‘lounge’ cu musica bibo.

E weekend aki no ta di cushina! Renaissance Aruba ta join e festividadnan den Caya Grandi, T’aki Tin. Despues di un salida exitoso, lo ripiti T’aki Tin e weekend aki. For di e area patras na Renaissance Aruba Resort & Casino te cu Plaza Nikki Habibe, lo ta yen di actividad pa grandi y chikito. Diahuebs, diabierna y diasabra lo tin arte, moda, cuminda crioyo pero tambe un ‘Pop-up’ restaurant di Renaissance Aruba cu lo ofrece cuminda estilo ‘Tapas’ y lo tey diahuebs 1 di december for di 12’or di merdia te cu 9’or di anochi. Tuma nota cu dianan 10 y 17 di december proximo lo ta e siguiente fechanan di Renaissance Aruba su ‘Pop-up’ restaurant. Keda pendiente pa sa e destinacion cu proximamente lo explora.

December 1, 2 y 3 sali hunto cu famia y amigonan pa disfruta di platonan Griego na OUZO of un anochi placentero den nos Caya Grandi y disfruta di Renaissance su ‘Pop-up’ restaurant y T’aki Tin. Pa mas informacion por tuma contacto cu 5236115 of bishita Renaissance su pagina di Facebook, www.facebook.com/RenaissanceAruba/events.