Diferente opcion pa celebra Dia di Tata:

ORANJESTAD– JUNI – E celebracion di Dia di Tata no tin mag di wordo lubida; esey ta sigur! Renaissance Aruba tin algun tip pa tur e yiunan cu ta desea di haci algo special pa nan tata. Manera ta custumber Renaissance Aruba tin multiple opcion pa haci e Dia di Tata aki, uno inolvidabel. Shop, Relaha, Sinta y Disfruta!

Invita papa parti mainta pa un desayuno na Fresco, Renaissance Ocean Suites. Nan tin un Breakfast Buffet riba diadomingo dia 17 di juni pa unicamente $20 incluyendo tur service charge y impuesto.   Okeanos Spa tambe ta ofrece diferente pakete pa Dia di Tata cu ta inclui masashi pa full curpa, diferente facial y pedicure specialmente pa hende homber y mucho mas. Si bo no sa precies kico papa lo desea e mihor opcion semper ta un gift certificate y laga e mes scoge. No lubida di puntra pa e loyalty card di Okeanos Spa cu ta inclui un sin fin di beneficio fantastico! Yama 523-6176 y haci reservacion; malcria papa riba su dia!

Papa ta desea di brunch? L.G. Smith’s Steak & Chophouse tin e ‘One plate at the time Father’s Day Brunch’ cu ta costa unicamente $44.95 pa persona incluyendo mimosa of champagne ilimita. E menu ta inclui diferente seccion di ‘cold cuts’, ‘hot selections’, platonan principal y dessert. Mester haci reservacion pa brunch den e ‘setting’ di LGS.  *Prijs ta exclui service charge.  Por haci reservacion na 523.6156 of por yama e Navigator na 523.6115.  Tuma nota cu e popularismo lunch di Aquarius Restaurant ta ‘sold out’, pero  tin e opcion di dinner! Diadomingo dia 17 di juni venidero por invita papa pa e tremendo Seafood Dinner pa unicamente $44.95 pa persona. Muchanan entre 5 y 12 aña ta paga mitar di prijs. Ta importante haci reservacion; e dinner na Aquarius ta mesun popular cu e brunch, pues lo ‘sold-out’ hopi lihe! *Prijs ta  exclui 15% service charge y impuesto.