…DJ Chuckie su kamber ta klá pa Sèptèmber próksimo…
Ofresiendo eksperiensha eksklusivo pa un anochi i pakete VIP
durante Aruba su promé Electric Music Festival, Sèptèmber 6 – 8
ORANJESTAD/WILLEMSTAD– Renaissance Aruba Resort & Casino ta ofresé amantenan di músika ‘eléktriko’ e oportunidat di hasi nan eksperiensha di Electric Festival aun mas inolvidabel ku e lansamentu ofisial di e ELECTRIC SUITE by CHUCKIE den e resort eksklusivo pa adulto Marina Hotel. E suite lo figurá tantu e aspektonan renobá di e hotèl komo atributonan di Chuckie ku a keda inkorporá den e kamber. E transformashon di e DJ Chuckie suite a tuma lugar, djaranson 14 di ougùstùs último i por a mira esaki live riba e Facebook di Renaissance Aruba. Amantenan di músika ku lo presensia Aruba su promé Electric Music Festival lo por keda den e suite altamente eksklusivo aki ku e Get Electric Package. E huéspetnan dichoso ku a reserva e pakete lo wòrdu di checked in den nan suite dor di DJ Chuckie i lo risibí: Dos entrada VIP pa tres dia pa e festival, entrada pa 2 persona pa e DJ Bash na Renaissance Island, 2 karchi pa un sena VIP kantu di lama, organisá pa Chuckie kompañá pa tur artistanan ku tambe ta partisipá den e festival, akseso pa 2 persona pa e RLife LIVE artist lounge na Nikky Beach durante e festival, $100 cocktail credit pa persona, un bòter di shampaña na yegada i desayuno tur dia pa 2 persona. E pakete ta basá riba okupashon dòbel i lo ta optenibel pa un estadia entre 5 pa 9 di Sèptèmber, 2013 ku un mínimo di 4 dia i ta kosta $629 (eksklusivo tax) pa anochi. E pakete aki por wòrdu reservá via internèt na www.renaissancearuba.com uzando e kódigo XM5 E Electric Festival ku lo figurá presentashonnan di Hardwell, Slash, Nero, Nicole Moudaber, Boris and Mastiksoul, ta pinta di bai ta e festival di músika eléktriko mas grandi den Caribe. E festival ta organisá den kooperashon ku Aruba Tourism Authority, Amsterdam Dance Event, Evenpro i GM Affairs Caribbean. Durante di e festival, Renaissance Aruba tambe ta ofresé e pakete VIP “Beats on the Beach”, kual ta inkluí akomodashon luho pa 2 persona, dos entrada pa 3 dia pa e festival, desayuno tur dia pa dos persona, cocktail credit di $100 i dos iTunes Cards na balor di $10 pa asina bo por download bo kansionnan preferí ku a zona durante e wikènt. E preis pa e pakete ta kuminsá na $232.72 pa anochi. 
Ámbos pakete i e ELECTRIC SUITE by CHUCKIE ta parti di Renaissance Hotel su programa RLife Live, kual ta brinda e mihó músika, entretenimentu, kuminda i bebida na e kadena di hotèlnan Renaissance rònt mundu. Na Aruba esaki a inkluí tur kos for di shownan di moda riba tereno di e hotèl durante Aruba in Style te programanan radial durante Soul Beach Music Festival i hopi mas. Pa mas detaye tokante R Life Live events worldwide, bishita: renhotels.com/r-life.