..Electric Festival a percura pa algun dia ‘electrisante’…

ORANJESTAD– E aña tabata e di dos aña consecutivo cu Renaissance Aruba Resort & Casino tabata partner di EF (Electric Festival) pa brinda Aruba completo un di e festivalnan di mas grandi di musica electrico den nos region. Por mira bek riba un EF sumamente exitoso cu a conta cu presencia di no unicamente celebridatnan, artistanan y bishitantenan local/ internacional pero tambe miembronan di prensa local y internacional.  Ta na su lugar pa expresa gradicimento y manda palabranan di felicitacion na Dj Chuckie, ADE (Amsterdam Dance Event) y henter e organisacion di EF pa un festival cu a sa di brinda un experiencia musical unico y diferente. Tabata realmente un siman inolvidabel cu ademas di actividadnan di EF a conta tambe cu varios otro evento. Renaissance Aruba Resort y RLife Live a cuminsa celebra EF for di diaranson ultimo 3 di September cu un tremendo Cocktail Battle riba Marina Hotel Pool Deck cu Dj Myron Kelly. Diahuebs atardi Renaissance Mall y Crystal Theatre tabata anfitrion pa e prome ADE Conference. Na mesun momento a duna inicio tambe e prome Pool Party cu tabata e Get Nutz Pool Party cu NutzBeatz, SkyBlue, Sensato, Jasmine V y Gian Varela. Riba diabierna a continua cu e di dos ADE Conference cu a tuma lugar den Renaissance Convention Center. Amantenan di e tan gusta Pool Parties a acudi na Marina Hotel Pool Deck pa asina disfruta di e Partai Pool Party cu Leo Flores, José Cabello, Demenzor, Dominik y Peter Endo, Partai. Diasabra tabata tin e di tres ADE Conference na Renaissance Island y e E! Pool Party cu a tuma lugar riba Marina Hotel Pool Deck. Diadomingo a clausura e ‘long weekend’ di evento cu e Bubbles, Beats & Bites Pool Party cu Rustica, Oscar Booi y Dj Yeimi. Pues e aña aki a surpasa tur expectativa cu un total di 4 pool party cu participacion di celebridatnan, artistanan, turistanan y bishitantenan local. Ademas di esaki a conta tambe cu presencia di varios canalnan di television internacional  manera MTV, Revolt y E!. E Pool Party di diasabra ultimo a conta cu cobertura completo di canal di television internacional E!, cu a biaha pa Aruba specialmente pa cubri e evento aki. Otro Dj-nan cu tambe a presenta durante e ‘electric weekend’  tabata Myron Kelly, Gian Varlea, Sensato, SKYBLU, Endo, Partai y Kevinski & Rocco di E!. E Electric Festival mes a tuma lugar dianan 5, 6 y 7 di September na Nikky Beach y tabata tin un main stage nunca bisto den Caribe sin lubida e tantisimo hendenan riba pia disfrutando di musica electrico. E fin di siman tras di lomba ta parti di Renaissance Hotel su programa RLife Live, cual ta brinda e miho musica, entretenimentu, cuminda y bebida na e cadena di hotelnan Renaissance rond mundo. Na Aruba esaki a inclui tur cos for di shownan di moda riba tereno di e hotel durante Aruba in Style te programanan radial durante Soul Beach Music Festival y awor tambe e Electric Festival. Pa mas detaye tocante R Life Live events worldwide, bishita: renhotels.com/r-life.