ORANJESTAD – maart –Renaissance Aruba Resort & Casino recientemente tabata anfitrion pa un grupo di Bloggers for di Brazil cu a bishita Aruba riba invitacion di ATA. E motibo pa e bishita tabata pa brinda e ‘bloggersnan’ internacional un bista amplio di tur loke Aruba ta brinda como destinacion Caribense y naturalmente expone e beyesa y diferente oportunidad cu Renaissance Aruba Resort & Casino ta ofrece. E grupo di blogger cu a bishita Aruba tambe conoci ‘destination bloggers’ ta esunnan cu ta skirbi nan experiencia y opinion tocante e destinacion cu nan ta bishita. Pa Renaissance Aruba Resort & Casino e bishita di e ‘bloggersnan’ ta uno di aprecia y balora. A tuma tempo pa a mustra e grupo tur loke e resort ta ofrece y a duna nan oportunidad di explora y ‘soak in the ambience’. Entre esunnan cu a forma parti di e grupo di blogger cu a bishita Renaissance Aruba Resort & Casino tabata Mauricio Concalves de Oliveira blogger di Trilhas e Aventuras, Natasha Sa Osorio da Rocha Ferreira – blogger di AFT Comunicao, Guilherme Gustavo Cury blogger di Tudo para Homens, Nicollas Maciel Soares Verneck blogger di Aprendiz de Viajante y Luis Carlos de Oliveira Cesar blogger di Hypeness. Tur esunnan cu ta haci uzo di internet riba un base diario ta reconoce e influencia cu tanto bloggers como vloggers tin riba e decisionnan cu un persona ta tuma, por ehempel cua muziek pa scucha, cua restaurant pa bishita, cua paña pa bisti y cua destinacion pa bishita. Pues pa Renaissance Aruba Resort & Casino esaki tabata un oportunidad cu a gara cu 2 man pa brinda e grupo di blogger for di Brazil un experiencia sin igual cu  sigur lo contribui na amplia e atencion cu Aruba y Renaissance Aruba Resort & Casino ta ricibi riba medionan di comunicacion social. Renaissance Aruba Resort & Casino ta gradici ATA pa e oportunidad di tabata anfitrion di e grupo di blogger for di Brazil.