Fundashon JAG a logra un biaha mas pa Rei i Reina Tiner despues di 12 aña por a bolbe partisipá na Zomerkarnaval na Ulanda. E promé biaha a tuma lugá na 2007 ora ku Parada di Tiner a selebrá su 10 aña di eksistensia na Kòrsou.

Un danki grandi ta bai na nos spònser prinsipal pa nos Tinernan ku ta UTS, ku nos Rei i Reina Tiner, Jordan Martis i Queensheny Lourens lo bishita Ulanda durante e tremendo ambiente di Zomerkarnaval.

Riba e foto por apresiá momento ku nos Embahadornan Tinernan huntu ku nan coach Santly Goedgedrag.