SANTO SAKRIFISIO DI MISA PA YAMA DANKI Mayan atardi 6’or na Misa di Groot Kwartier …

WILLEMSTAD.- Rei di Tumba 2014, Ike Jesurun ta invitá henter pueblo di Kòrsou na un Santo Sakrifisio di Misa na Misa di Groot Kwartier pa yama danki. E misa ku lo ser ouspisiá pa Pastor Simon lo konta ku presentashon di Orfeon Allegro bou di direkshon di Rignald Yankey i organista Sra. Izaira Gomes. Ike ta invitá tur músiko enpartikular pa nan bin risibí un bendishon spesial pa nan por duna lo máksimo den e periodo aki di Karnaval bou di protekshon di Dios. Ike ta bini di un kas di un famia kreyente kaminda semper tin union familiar, amistat i semper ta yama danki. Sali for di e bon kustumber aki pa Ike lo ta un honor pa e huntu ku su pueblo di Kòrsou ku semper a apoy’é i stim’é yama Dios todo poderoso danki.