WILLEMSTAD — Relashoná ku kulminashon di selebrashon 45 aña di Asosiashon di Músiko i Artista di Kòrsou, dia 22 di novèmber próksimo, direktiva lo bai honra durante di e programa Músikonan ku tin 65 aña òf mas i ku ta na bida. Tur esnan ku ke bini na remarke, mester registrá na Curaçao Festival Center entre 10 or di mainta pa 3 or i atardi o yama 737-6368. E programa di dia 22 di novèmber lo bai tin diferente partinan importante manera e tradishonal entrega di premio Edgar Supriano i Pen di Mérito i ta bai tin algun partinan mas ofisial ku lo ser divulgá despues. Direktiva ta spera di por haña tur e datonan di e músikonan ku tin 65 aña o mas, manera  nòmber i fam, adrès i number di telefon pa mas tarda 25 di òktober 2013. Pronto direktiva di AMAK lo bini ku mas informashon relashoná ku e selebrashon di dia di Músiko Importante aki den kuadro di su 45 aña di eksistensia.