Willemstad – Un kambio, esei ta loke masha dia tur hende tabata warda den e mundu farandulero aki na Korsou. Ku e nasementu di e entertainment band RED mundu farandulero lo konose un toke nobo. Pa prome biaha den historia, un entertainment band ku front ku ta konsisti di hende muhe so. Un front ku un toke super sensual i speshal. Entre e damanan aki, ta figura un konosido dama kende resientemente a lansa un produkshon solo riba merkado. Mas aleu RED ta konta ku forsa musikal di diferente musiko entre nan algun bastante konosi. E repertorio di RED lo konsisti di piesanan manera entre otro merikano, latino i kisas asta europeo ku ta hit alktual. Por ehempel piesanan di Rihanna, Bruno Mars, Alicia Keys i Shakira. Ta bon pa enfatisa ku nota piesanan ku ta ser kanta pa hende muhe so nan lo interpreta manera por mira ku entre otro Bruno Mars tambe ta aden. I e piesanan ta wordu kambia den ritmonan bailabel manera entro otro merengue mambo, Kizomba i bachata a la estilo RED. RED no unikamente ta bai ta un agrupashon musikal pero mas bien un organisashon musikal. Ku esaki nos ke bisa ku RED mes lo krea su propio fiestanan kual ta bai bira un tradishon. Mirando e integrantenan i nan propio sirkulo di amistad i fanatiko, no tin duda ku esaki lo logra. Ya kaba RED tin un kas kual ta un sitio nobo, dushi i cozy kaminda tur siman nan lo presenta. Djis keda pendiente pa demas desaroyo. Pa mas informashon di Red: redtheband@gmail.com of 565-3385.