Nada no ta mas importante pa nos ku seguridat di nos klientela i esaki ta inkluí e ko’i hunga nan ku nos ta ofresé.  McDonald’s a disidí boluntariamente pa “recall” un flùit kòrá ku ta inkluí den e Happy Meal di Hello Kitty Birthday Lollipot (#6) na Kòrsou, USA, Canada, Puerto Rico y St.Croix, despues ku resientemente a deskubrí ku e flùit por slep bai den garganta y ta fásil pa guli  y di e forma aki por choka òf afektá muchanan. Nos ta pidi nos klientela ku tin e ko’i hunga aki pa por fabor entreg’é inmediatamente na un di nos McDonald’s nan.  E flùit por wòrdu kita for di e figura.  Nos lo ta kontentu di por remplasá e flùit aki ku un otro ko’i hunga di nos Happy Meal. Nos lo kambia e ko’i hunga pa un otro. Ningun otro diseño di e promoshon di  Hello Kitty y Max Steel ta envolví den e “recall” aki ku ta di nos propio boluntat y  tampoko ta envolví den promoshonnan anteriormente.  Esaki no tin ningun impakto riba otro produktonan di Happy Meal y programanan distribuí den otro merkado pafó di USA y Canada. Aproksimadamente 2.5 mion flùit a wòrdu traha.  E motibu ta dor di e durashon di e promoshon aki, pero gran mayoria no a wòrdu distribuí na restorantnan.  For di e montante produsí  te ku awor aki nos a logra di haña bek aproksimadamente 70% òf 1.6 mion di e flùit nan. Nos kompromiso ta pa rekoudá tur e flùit nan ku wòrdu distribuí na tur nos restorantnan.