Willemstad – Minimarket Agarie na Kòrsou ta amplia su supermerkado i dry cleaning dor di añadí un restorant na e propiedat. Esaki ta sosodé despues di terminashon di konstrukshon di un unit nobo. Ku e adishon di e restorant, Agarie ta krea un sentro di kompras pa e habitantenan di e bario di Sta. Maria i alrededor.

E kliente, ku anteriormente tabata konektá na un kompetidó di RBC, tabata den nesesidat di un aserkamentu finansiero nobo pa segurá kresementu di su kompanía. Ora ku Fida Baroud, e Relationship Manager di RBC, a topa ku e doñonan, e a tuma su tempu pa pasa riba e situashon finansiero di e kompanía i alabes komprondé eksaktamente kiko tabata e planesnan pa futuro. Ora e a kompronde kiko e kliente tabata ke, RBC por a presentá un solushon ku lo maksimalisá e cash flow mensual di Agarie i sostené e ampliashon di e kompanía. Ku e solushon di RBC Agarie por a konstruí mas espasio pa generá entrada adishonal banda di e entrada di e restorant nobo.

Esaki ta un ehempel di kon RBC ta tuma su tempu pa kompronde e kliente, nan situashon aktual i nan soñonan pa futuro. Dor di komprondé e deseo di e kliente RBC por a ofresé un solushon finansiero kompleto; den e kaso aki esaki tabata inkluí un terminal POS nobo ku ta duna e kliente e oportunidat di enfoká riba su kompanía, enbes di preokupá ku su situashon finansiero.

“Mi ta agradesido na RBC pa su yudansa pa realisá mi soño i mi ta ansioso pa wak kon nos ta sigui krese huntu,” asina e kliente satisfecho a duna di konosé. Despues e kliente aki a referí su famía pa bira kliente di RBC.