Kralendijk – Riba djabièrne 3 di yüli den oranan trempan di mainta, Seleskhon di Bonaire Little league: “Intermediate League”, a sali di biahe pa St. Thomas kaminda nan lo bai kompetí den e Serie Latino Americano & del Caribe 2015 divishon Intermediate pa peloteronan di edatnan 11, 12 i 13.

RBC Royal Bank, komo orguyoso spònser mayó tabata presente pa despedí di e ekipo i deseá nan un tur klase di eksito. Renance Rodriguez (Branch Manager) a dirihí su mes na e hobennan ku algun palabra di enkurashamentu p’e kompetensia ku nan ta enfrentá den e kampionato. Nos hoben nan ta futuro di nos komunidad i Little League a demonstrá di desaroyá i forma lidernan den nos komunidat.

Un eksito pa e ekipo di Boneiru i for di awor por ta sigur ku nan ta bai hasi un bon papel aya na St. Thomas.