Willemstad – Sèptèmber 2016: Durante un rueda di prensa awetardi RBC Royal Bank a anunsiá e di 10 edishon di su show di outo “Deals on Wheels 2016”. E aña aki e evenemento ta tuma lugá riba 10 di sèptèmber 2016 riba parkeerplaats di RBC na Rooi Catootje.

Tur agensia di outo i e markanan di outo ku nan ta representá lo ta presente durante e show di outo “RBC Deals on Wheels” (Auto City, Crown Automotives, Ultimate Automotives, Global Motors, Universal Motors, Garage Cordia, iCars, Star Motors, AZ Curacao, Quality Motors, Prestige Ford, Caribbean Motors, Elite Mercedes Benz en Prowin Motors). “E prome enfoke ta riba e presentashon di e modèlnan di outo pa públiko. E aña aki tin 91 diferente modelonan di outo di tur sorto di prèis ku ta wordu presentá riba nos parking. Tambe esaki ta un evenemento sosial pa hinter famia”, asina Pierrot Hurtado, Country Manager di RBC na Kòrsou a duna di konosé.

E di 10 edishon di RBC Deals on Wheels ta bira un fiesta grandi. Muchanan por dibertí nan mes ku diferente aktividatnan, manera un bouncer. Tambe Circo Magik lo duna un show i tin ambiente musikal. Di 19.00 pa 21.00 or e modèlnan di outo mas nobo lo keda presentá na públiko durante un parada di outo. Pa 22.00 or lo sera e evenemento ku yama Deals on Wheels 2016 na un manera spektakular. Ku e setup aktual di e show di outo, RBC ke duna su aporte na e agensianan di outo i tambe na su klientenan. “Nos ta haña sumamente importante di duna balor na nos klientenan i semper nos meta ta pa yuda nan realisá nan soño. Ku nos show di outo anual nos ta spera di por kontribuí na benta di e modèlnan ku ta keda presentá. Durante e evenemento tambe lo tin profeshonalnan di RBC ku por presentá e kliente ku e diferente posibilidatnan pa un fiansa di outo i e término di pago. Asina nos por avisá nos kliente mesora i adekuadamente riba e tereno di kompra di un outo nobo”, asina Hurtado a sigui bisa.

E show di RBC Deals on Wheels ta habrí pa públiko di 16.00 pa 22.00 or.