Willemstad, Mirando importansia di arte aki na Kòrsou RBC Royal Bank, Teatro Luna Blou & La Tentashon ta bini un biaha mas ku ”Festival Historia Nobo“ un proyekto edukativo pa hóben i adulto.

Bo tin un historia kaba ?

Bo ke desaroyá bo talento di skibi ?

Bo tin kreatividat pa skibi un historia ?

RBC Royal Bank, Teatro Luna Blou & La Tentashon ta brindá abo e oportunidat pa partisipá na e proyekto Festival Historia Nobo 2016. Un proyekto kaminda lo siña i guia bu kon pa skibi bo propio historia. Den e proyekto aki lo bo amplia bo kreatividat di skibi i alabes desaroyá bo talento di skibi.

Despues ku tur e historianan ta kla ta sigui pa e fase ku lo konta e historia i esaki ta sosodé pa medio di un “dramatical reading”. E “dramatical reading” lo tuma lugá den forma di un kompetensia kaminda hurado lo skohe e historia ganadó. E historia ganadó lo bira un obra teatral òf short movie dependiendo di e eskritor. Si bo tin 13 aña òf mas i ke siña skibi òf desaroyá bo talento di skibi esaki ta bo oportunidat pa inskribí i partisipá na Festival Historia Nobo. Último dia di inskripshon ta djabièrnè 16 di aprel.

Kontribushon pa partisipá na e proyekto aki ta Naf 100,-. Si bo tin bo historia kaba por trese esaki na Teatro Luna Blou òf manda esaki na education@lunablou.com.

Pa mas informashon por yama Teatro Luna Blou na +5999 462-2209 +5999 524-8525. Tambe bo por sigui nos riba facebook: teatro luna blou i la tentashon.