Willemstad – RBC Business Banking na Kòrsou a registrá otro éksito ora ku a sera fiansa ku doño di Rodeo House of Ribs, Steven Gibbs. Despues di a mènedge un di e restorantnan mas konosí di Kòrsou pa mas di 24 aña, Steven a pensa ku a yega ora pa diversifiká su negoshi dor di añadí “Real estate” na e kartera di hospitalidat.

Reakshonando riba e transakshon Area Vice President Russel Kopke a duna di konosé ku “ Steven Gibbs ta demostrá durabilidat, persistensia i balornan fuerte ku ta kontribuí den gran forma na nos ekonomía.” Steven Gibbs a tuma e inisiativa di tuma kontakto ku e departamento di RBC Business Banking pa un kombersashon informal. E kombersashon aki tabata e komienso di un relashon nobo i duradero, mirando ku Elizangela Silberie, e Relationship Manager di RBC, a tuma su tempu pa komprondé e nesesidat aktual di e kliente i tambe pa sòru pa un solushon finansiero ku ta kubri esaki.

Sabiendo ku e kliente nobo aki ke bai ekspandé su negoshi i ku esaki ta inkluí ekspanshon di su kartera ku e adishon di “Real Estate” na Boneiru, Elizangela a keda den kontakto estrecho ku e kliente. Steven ta wak bèk riba un proseso eksitoso ku a bin redundá den sera finansiamentu kuantioso. Esaki ta hasi posibel pa Gibbs realisá su soño di krea un negoshi diversifiká.

“For di 2010 mi a realisá mi mes ku e industria di hospitalidat pará riba su mes lo no duna éksito duradero riba merkado. Komo un komersiante mi gusta pensa riba oportunidatnan nobo pa ekspandé i diversifiká mi negoshi. Pues, propiedat tabata promé riba mi lista di opshonan rendabel. Danki na e tim di RBC Business Banking i e bon relashon ku mi Relationship Manager, Elizangela, ku a kere den mi soño i ku a yudami pasa den e proseso di formalidat i eksigenshanan finansiero, mi por a krea un vishon di mi negoshi pa futuro i sera e transakshon ku nos a firma resientemente. Elizangela a yuda’mi hopi bon i semper a bai esun stap èkstra pa yudami realisá mi soño”, asina Steven Gibbs a deklará.