Willemstad – Despues di 20 aña di kresementu duradero, Emergency Printing & Publishing NV, un di e kompaníanan mas prominente di prent i publikashon a disidí di modernisá i muda su fasilidatnan mas serka di su kliente. Ku un relashon di kasi dies aña, RBC a sòru pa e solushon finansiero pa Emergency Printing ku a sostené e kresementu di e kompania. Esaki tabata posibel dor di komprondé e organisashon di e empresa i suministrá konseho finansiero sano.

Despues di hopi aña di a hasi invershonan mas chikitu pa yuda krese e kompanía, awor Emergency Printing ta kla pa un kresementu signifikante. Mirando e relashon fuerte ku e kliente, RBC a traha den estrecho koperashon ku Emergency Printing pa algun siman pa asina por komprondé e nesesidatnan di e kompanía i pa rekomendá e solushon finansiero ku por sostené nan nesesidatnan pa modernisashon i kresementu. Ku e fiansa di RBC Emergency Printing por fiha nan atenshon riba e kresementu di nan kompanía i asina introdusí solushonan nobo i inovativo den e indústria di prent i publikashon na Kòrsou.

“Nos Relationship manager di RBC, Elizangela Silberie, versá den su materia, amabel i semper aksesibel pa asistí nos den tur e tramitenan den e proseso di aplikashon. E management semper tabata alkansabel pa sostené e tim ku konseho adishonal. banda di tur e gana pa yudami realisá mi soño di krese mi kompanía, nan a mustrami tambe kon e praktikanan di e kompanía atraves di años a yuda establesé nos komo un business partner serio i konfiabel. Nan disponibilidat i aksesibilidat tabata sumamente importante den e proseso pa krea un ‘comfort zone’ i establesé un base pa mas konfiansa pa asina nos por hasi un invershon nobo. Den un palabra mi por bisa: zuiver! E atenshon ta kompletamente dirigí riba nos i esey ta buta ku mi por realisá mi soño di krese mi kompanía.”

“Pa por mira un kompanía krese akinan na Kòrsou i pa por forma parti di e proseso aki ta un sentimentu di prestashon enorme”, asina Russell Kopke di RBC a duna di konosé. “Emergency Printing opviamente ta un líder den nan indústria i dor di yudanan establesé e fundeshi nesesario pa kresementu den futuro, nos na RBC ta wòrdu motivá tur dia pa yuda hasi un diferensha den bida di nos klientenan.”