“Mi ta sintimi kompletamente na kas aki na Boneiru”:

KRALENDIJK, Boneiru- Desèmber 4, 2014: Resientemente Digicel Boneiru tin un gerente general nobo; Rachel Brathwaite ta tuma timon di e merkado boneriano den e kompania multinashonal aki.  Brathwaite, ta uni su mes na e famia di Digicel Boneiru tresiendo hopi eksperensia den e ramo di telekomunikashon. Promé ku Rachel a uni su mes na Digicel, e tabata traha den sektor bankero i auditoria. Rachel a finalisá Heriot-Watt University ku éksito i ta kualifiká komo akountent i tin un master’s degree den Business Administration. Na 2005, Rachel a uni su mes na e kompania; entre e aña ei te ku awó, Rachel a krese den Digicel i a sá di okupá diferente funshon klave na Digicel den diferente merkado. Awor, den su funshon nobo komo gerente general di Digicel Boneiru e ta premirá un trayekto dinámiko i lo usa tur ekspertisio i eksperensia generá anteriormente pa hiba e kompania na un próksimo nivel. Rachel ta den e funshon di gerente general for di yüli 2014, pero a tuma tempu pa aklimatisá promé, sera konosí i fiha un trayekto nobo pa e merkado ku awó tin su prioridat. “Mi a tuma mi tempu pa konosé Boneiru i su hendenan, kustumbernan, kultura i prinsipalmente e aktitut di e kliente. Digicel ta un kompania sólido i stimá na Boneiru i nos tur intenshon di sigui brinda e komunidat boneriano telekomunikashon na nivel, e mihó preis i mas balor. Mi ke tuma e oportunidat di gradisí tur kolega i tur kliente di Digicel pa e kaluroso bon bini, mi tin tur konfiansa ku Digicel Boneiru lo sigui desaroyá ku pasonan grandi; esaki ta inkluí proyektonan eksitante, promoshon i eventonan ku ta ofresé Boneiru muchu mas pa nan kompra. Mi ta hopi entusiasmá ku mi funshon nobo i ta sintimi kompletamente na kas aki na Boneiru”, asina Rachel Brathwaite a tèrminá bisando. Digicel Group Limited ta un kompania lider global den telekomunikashon ku operashonnan den 31 merkado den Karibe, Sentroamérika i Asia Pasífiko. E kompania su total di invershon ta mas di US$4.5 bion mundialmente. Konosí komo e kompania ku ta proveé e mihó balor,mihó servisio i e mihó red, Digicel ta keda un kompania sólido den kualke merkado na unda e tin su instalashonnan.